TAARIFA KWA VYOMBO VYA HABARI:

Dar es Salaam, 12/09/2023 – TOAM, ambaye ni mratibu na mhamasishaji wa sekta ya kilimo hai nchini Tanzania, inafurahi kutangaza Mkutano wa Tatu wa Kitaifa wa Kilimo Hai. (NEOAC). Mkutano huo utafanyika Dodoma kuanzia tarehe 8 hadi 9 Novemba 2023.

NEOAC ni tukio lenye kusubiriwa kwa hamu ambalo linakutanisha wakulima, wanazuoni, watafiti, mashirika ya kiraia, sekta binafsi, watungasera, na walaji ambao wanapenda mustakabali wa mifumo endelevu ya uzalishaji wa chakula.

Chini ya kaulimbiu “Kutunza vya Asili, Kwa Afya Bora,” NEOAC ya tatu inalenga kuchochea juhudi na mchakato uliopo ili kuhamisha Kilimo Hai cha Ekolojia (EOA) kutoka kwenye majadiliano kwenda kwenye hatua na matokeo katika ngazi ya nchi kwa kutoa jukwaa la kubadilishana habari na uzoefu muhimu, na kujadili masuala ya sera na hatua ambazo zinaweza kusaidia EOA katika kufikia Malengo ya Maendeleo Endelevu (SDGs).

Mkutano huo utakuwa na wasemaji maarufu, warsha za kubadilishana uzoefu, majadiliano ya wazi, na vikao vya taarifa. Washiriki watapata fursa ya kushirikiana na wataalamu wa sekta, kuuliza maswali, na kupata ufahamu muhimu katika maendeleo ya hivi karibuni katika kilimo hai. Mkutano pia utatoa jukwaa kwa wakulima kushiriki uzoefu wao, changamoto, na shuhuda za mafanikio, kukuza uelewa na ushirikiano

NEOAC sio tu jukwaa la kubadilishana maarifa na habari, lakini pia ni fursa kwa soko la bidhaa za kilimohai. Washiriki kutoka sekta mbalimbali, ikiwa ni pamoja na wauzaji wa pembejeo, watengenezaji wa vifaa, wasindikaji wa vyakula na wauzaji, wataonyesha bidhaa zao, hivyo kutoa rasilimali muhimu na fursa za ushirikiano kwa washiriki.

Ikiwa wewe ni mkulima mwenye uzoefu katika kilimo hai, mdau unayetaka kuhamia katika mfumo wa kilimo hai, mtafiti, au mtu mwenye nia ya kilimo endelevu, mkutano huu uliopangwa ni fursa sahihi kwako. Mkutano huu utahakikisha kutoa hamasa, elimu, na uwezeshaji kwa watu binafsi ili kuchangia katika mustakabali wenye afya na endelevu zaidi.